شعر (قصة حب مثيرة)

عدد المساهمات : 137 تاريخ التسجيل : 10/06/2010

رجّعتني للقصايد ياعسى فالأمر خيره "
....................." والقصايد ما يعرْف أسرارها الا من كتبها

لاهيٍ بهمومي اللي مقبله من كل ديره! "
...................." ما دريت ألا وانا اكتب : ( كل هذا من سببها)

أدري الدنيا كبيرة .. بس فـعيوني صغيره! "
................." من يقول القلب سالي والليالي ما أحسبها؟

أشغلت قلبي هواجيسٍ من البارح تديره "
........................." كنّها حشدٍ من القوات معلنةٍ غضبها

قلت ما به غير شعري .. وان خذلني شفت غيره "
...................." لين احرّر ساحة العشّاق هذي من عربها

وأعشق اللي رافقتني فالدروب المستنيره "
...................." قبل ما اكفّر ذنوبٍ عام الاول مرتكبها

العنب لا صرت اطوله .. ليه ما اشرب من عصيره؟"
...................." يوم غيري لو يمدّ يديه ما يلحق عنبها

ليه اشوف الورد قدّامي .. ولا احيا من عبيره "
................." ليه ما افرح وابدي النعمة .. وانا احمد من وهبها

والله إني يوم افضفض ما دخل فالقلب حيره "
...................." هي على حدّ الجنون .. إن كان حبّي ما نكبها

شفتها تنخى التعب .. وأثر التعب ميّت ضميره "
...................." والمحبّة .. حبّة حبّة .. لين ملّت من تعبها

تشتكي لي حالها اللي صار فالأفواه سيره "
..................." تطلب الرحمة .. عسى الرحمن ما يقبل طلبها

كيف تطلب ربّها بعد الفضيحة بالستيره!! "
....................." يوم أهلها شافو الدمع امتعلّق في هدبها

أسهرت عيني .. وانا ورّيتها إنجوم الظهيره "
................." واشعلت هالنار في صدري .. وصارت من حطبها

إعشقتني واستدرات وسط قلبي تستثيره "
.................." ما لقت غير النوايا البيض تطرد من قربها

والله إني ضعت معها بين حب وبين غيره! "
..................." من حلاها كل هذا الحب .. والا من أدبها

قالوا عيونك بصيرة .. قلت وايديني قصيره!! "
.................." في حياتي ما خبرت النفس تعشق من غصبها

قولو إني عشت معها(( قصة الحب المثيرة )) "
..................." بس قولو ما يعرف اسرارها الا من كتبها

منقووووووووول
وانشالله يعجبكم

تسلمين شموخ ع هيك ابداع

عدد المساهمات : 137 تاريخ التسجيل : 10/06/2010